Narendra Modi દ્વારા પેટ્રોલ-ડીઝલનો ઉપયોગ ઘટાડવાની કરાયેલી અપીલની અસર હવે દેશના અનેક રાજ્યોમાં જોવા મળી રહી છે. Delhi સરકારે આ મામલે મહત્વપૂર્ણ નિર્ણય જાહેર કર્યો છે. દિલ્હીના મુખ્યમંત્રી Rekha Guptaએ જણાવ્યું છે કે હવે રાજધાનીની સરકારી કચેરીઓમાં અઠવાડિયામાં બે દિવસ વર્ક ફ્રોમ હોમ અમલમાં મૂકવામાં આવશે. સાથે જ ખાનગી કંપનીઓને પણ આ મોડલ અપનાવવા અપીલ કરવામાં આવશે.
દિલ્હી સરકારના નિર્ણય મુજબ સરકારી અધિકારીઓને મળતા પેટ્રોલ અને ડીઝલના કોટામાં 20 ટકાનો ઘટાડો કરવામાં આવશે. ઉપરાંત દર સોમવારે ‘મંડે મેટ્રો’ અભિયાન હેઠળ અધિકારીઓ અને કર્મચારીઓ મેટ્રો મારફતે ઓફિસ પહોંચશે. સરકારી રહેણાંક કોલોનીઓમાંથી મેટ્રો સ્ટેશન સુધી પહોંચવા માટે 58 બસોની પણ વ્યવસ્થા કરવામાં આવશે.
ભારત સરકારના Capacity Building Commission દ્વારા પણ કર્મચારીઓ માટે નવી માર્ગદર્શિકા જાહેર કરવામાં આવી છે. આ સૂચનાઓ મુજબ વિભાગીય વડાઓને સ્ટાફ માટે એવો રોસ્ટર તૈયાર કરવાની સત્તા આપવામાં આવી છે, જેમાં કર્મચારીઓને અઠવાડિયામાં વધુમાં વધુ બે દિવસ વર્ક ફ્રોમ હોમ કરવાની મંજૂરી મળી શકે.
નવી ગાઈડલાઈન મુજબ ઓફિસમાં ઓછામાં ઓછો 50 ટકા સ્ટાફ હાજર રહેવું ફરજિયાત રહેશે. ઘરેથી કામ કરતા કર્મચારીઓને સતત ફોન પર ઉપલબ્ધ રહેવું પડશે અને જરૂર પડે ત્યારે ઓફિસ આવવા તૈયાર રહેવું પડશે.
સરકારે હાલ દિલ્હી અંદર કે બહાર યોજાતી તમામ ફિઝિકલ મીટિંગ, વર્કશોપ અને કોન્ફરન્સ પર રોક લગાવી છે. કર્મચારીઓને બિનજરૂરી પ્રવાસ ટાળવા સૂચના આપવામાં આવી છે. હવે મોટા ભાગની મીટિંગો વીડિયો કોન્ફરન્સિંગ અને ઓનલાઈન માધ્યમથી યોજાશે.
અન્ય રાજ્યોમાં પણ આ દિશામાં પગલાં લેવામાં આવી રહ્યા છે. Tripuraમાં ગ્રુપ C અને Dના માત્ર 50 ટકા સરકારી કર્મચારીઓ ઓફિસ આવશે, જ્યારે બાકીના કર્મચારીઓ ઘરેથી કામ કરશે.
N. Chandrababu Naidu અને Pramod Sawantએ પોતાના કાફલામાં ગાડીઓની સંખ્યા 50 ટકા ઘટાડવાનો નિર્ણય લીધો છે, જેથી બળતણની બચત થઈ શકે.
Punjabમાં ગવર્નર ઓફિસના અધિકારીઓ દર બુધવારે કારનો ઉપયોગ નહીં કરે, જ્યારે Nayab Singh Saini અઠવાડિયામાં એક દિવસ વાહન વગર કામકાજ કરશે.
આ પહેલાં Delhi, Uttar Pradesh, Madhya Pradesh, Rajasthan અને Biharમાં પણ VVIP કાફલામાં ગાડીઓની સંખ્યા ઘટાડવામાં આવી હતી. ખુદ Narendra Modi પણ બુધવારે માત્ર બે ગાડીઓના કાફલા સાથે નીકળ્યા હતા, જ્યારે સામાન્ય રીતે તેમના કાફલામાં 12થી 15 વાહનો હોય છે.